ஜெயலலிதாவின் ஜாமீன் விசாரணை 17ம் திகதி: உச்சநீதிமன்றம் அதிரடி அறிவிப்பு

ஜெயலலிதாவின் ஜாமீன் மனு மீதான விசாரணை வருகின்ற 17ம் திகதி நடைபெறும் என உச்சநீதிமன்றம் அறிவித்துள்ளது.

சொத்துக்குவிப்பு வழக்கில் 4 ஆண்டு சிறை தண்டனை விதிக்கப்பட்டு பெங்களூரு பரப்பன அக்ரஹாரா சிறையில் அடைக்கப்பட்டுள்ள அ.தி.மு.க பொதுச் செயலாளர் ஜெயலலிதா, ஜாமீன் கோரி கர்நாடக உயர் நீதிமன்றத்தில் தாக்கல் செய்த மனு தள்ளுபடி செய்யப்பட்டது. இதைத் தொடர்ந்து, ஜாமீன் கேட்டு கடந்த வாரம் உச்ச நீதிமன்றத்தில் ஜெயலலிதா சார்பில் மனுத் தாக்கல் செய்யப்பட்டது. இந்த மனுவை இன்று விசாரணைக்கு ஏற்றுக் கொண்டதாக உச்ச நீதிமன்ற தலைமை நீதிபதி தத்து, நீதிபதிகள் சிக்ரி, லோகூர் ஆகியோர் அடங்கிய அமர்வு, வரும் 17ம் திகதி ஜாமீன் மனு மீதான விசாரணை நடைபெறும் என்று அறிவித்துள்ளது.