சிரிய போர்களத்தில் துண்டித்த தலையை கையில் வைத்துள்ள ஒஸ்ரேலிய சிறுவன்

ஓஸ்ரேலியாவைச் சேர்ந்த சிறுவன் ஒருவன் துண்டிக்கப்பட்ட சிரிய இராணுவத்தினர் ஒருவரின் தலையை கையில் வைத்திருக்கும் படங்கள் இணையத்தில் வெளியாகியுள்ளன.

இந்த சிறுவன் ஒஸ்ரேலியாவை சேர்ந்தவன் என்பதும் அச்சிறுவனின் தந்தையும் சிரிய போர்க்களத்தில் உள்ளார் என்பதும் உலகத்தினை அதிர்ச்சிக்கு உள்ளாக்கிய செய்திகள் ஆகும்.  இச்சிறுவனின் வயது 7 என்பதும் இவ்வாறு துண்டிக்கப்பட்ட தலையினை இரு கைகளாலும் தூக்கிப்பிடித்தவண்ணம் உள்ளமை அச்சிறுவன் எவ்வளவுக்கு சிறியவன் என்றும் காட்டுகின்றது. இச்சிறுவனின் தந்தை மிகவும் தேடப்படும் ஒரு நபர் என்று கடந்த வாரம் அதிக அளவில் பேசப்பட்ட ஒரு நபர் என்றும் தகவல்கள் வெளியாகியுள்ளன. இந்த நிலையில் அவர் தற்கோது சிரியாவில் போராடும் ஐ.எஸ்ஐ.எஸ் அமைப்பினருடன் இணைந்து போராடுகின்றார் என்பது தெரியவந்துள்ளது.  ஓஸ்ரேலியாவால் தேடப்பட்ட மிகவும் அதி முக்கிய தீவிரவாதியாக தந்தையார் அடையாளம் காணப்பட்டுள்ளார்.
அவரே இவ்வாறு தளது மகனின் வீர தீர செயல் தொடர்பாக புகைப்படத்தையும் இணையத்தில் வெளியிட்டு மனிதாபிமானத்தை குழி தோண்டி புதைத்துள்ளார். ஓஸ்ரேலியாவில் வசித்து வந்த இவர் தனது சகோதரனின் கடவுச்சீட்டிலேயே நாட்டை விட்டு தப்பியதாக தற்போது கூறப்படுகின்றது.  மேலும் இந்த புகைப்படத்தை அடையாளம் காட்டியவர் இச்சிறுவனின் உறவினர் என்பது இப்படம் தொடர்பான நம்பகத்தன்மையை பறை சாற்றுகின்றது. இச்சிறுவனின் உடையும் பாதணியும் சிறுவன் விடுமுறையை கொண்டாடுவது போன்றே உள்ளது. குறித்த ஒஸ்ரேலிய நபர் பிறிதொரு படத்தில் தனது 3 பிள்ளைகளுடனும் இராணுவ உரு மறைப்பு உடை தரித்து கைகளில் இயங்திர துப்பாக்கி தரித்த புகைப்படத்தையும் வெளியிட்டுள்ளார். 



மேலும் ஒஸ்ரேலியாவில் இந்த புனித போரா நடத்துபவர்கள் மிகவேகமாக கால் ஊன்றி விடுவார்கள் என்றும் ஒஸ்ரேலியாவுக்கு முன்னறிவித்தல் விடுத்துள்ளார். இது தொடர்பில் கருத்துரைத்த ஒஸ்ரேலிய பிரதமர் ரொனி அபட் இச்செயல் மிகவும் வெட்கப்படக்கூடிய செயல் என்று வர்ணித்துள்ளார்.